戶戶送生活百貨

你而家可以係香港各區運送生活百貨嘅訂單喇!

疫情繼續肆虐香港嘅期間,戶戶送致力確保送餐專員、餐廳夥伴同埋顧客嘅安全,並且致力持續為顧客提供更優質嘅服務。因此我地開始咗運送生活百貨嘅服務,為你帶來更多元化嘅送餐體驗,助你係戶戶送達到個人收入目標! 

現時我地為以下商鋪提供生活百貨嘅運送服務:

 

  • 全港各個 7-Eleven 分店


  • 馬莎百貨位於HKCE, HKTST, HKED, HKWC, HKMK, HKMTW, HKKLB, HKTY, HKKTG, HKTSW 嘅分店

運送生活百貨訂單話咁易

同平時嘅接單程序一樣, 去到店家提取訂單,送畀顧客就搞掂!

運送生活百貨訂單時記得留意以下幾點:

攜帶符合安全標準保溫袋

進入店鋪時記得携帶乾淨衛生嘅保溫袋,並打開戶戶送送餐專員應用程式的接單頁面。否則店家將有機會拒絕你提取貨品,甚至會影響你嘅接單率。

如果有任何關於即時訂單嘅問題,請向即時支援團隊查詢。

搵唔到顧客?

到達顧客地址時,你可以透過戶戶送送餐專員應用程式發送訊息、打電話或者推送通知以聯絡顧客。按此查看更多喇!

等候時間過長?

若訂單未能於「食物完成預計時間」的15分鐘內準備好,你可以聯絡即時支援團隊以取消委派訂單。你嘅接單率就唔會受影響嫁喇!

要搵另一位送餐專員幫手送大單?

我們期望你能夠獨自完成運送委派俾你的訂單,不過如果你因為任何原因無法做到,請務必聯絡即時支援團隊尋求協助,我們會盡快派遣另一位送餐專員協助送單。

切勿在未通知線上支援的情況下只提取訂單內既部分物品離開店鋪。

保溫袋注意事項

保溫袋需可密封,並留有至少1cm嘅保溫物料以保持食物溫度。

我地建議你在店鋪時使用戶戶送提供嘅小型保溫袋提取訂單。

為咗帶畀你最好嘅送餐體驗,便利店訂單嘅貨品數量將設有一定限制,所以你毋需擔心運送體積過大嘅訂單!

當然如果你需要協助,請隨時透過應用程式聯絡我地嘅即時支援團隊。