戶戶送送餐專員座談會小總結

小總結

戶戶送於8月26日第一次舉辦虛擬座談會,非常感謝當天參加活動嘅所有送餐專員。座談會為送餐專員提供一個新平台,比你地有機會向我地嘅總經理羅家聰先生同戶戶送團隊發表意見,幫助我地持續進步,成為你首選合作嘅外賣平台。 想知多啲關於座談會嘅內容, 就繼續睇落去啦!

活動詳情

每位送餐專員係開始時都先自我介紹,再分享自己平時嘅送餐體驗。 大家係對話中亦觸及好多引起共鳴嘅話題,並且討論其他送餐相關問題嘅解決辦法。

 

 

過長嘅餐廳等候時間

 

過長嘅餐廳等候時間通常係送餐專員拒絕訂單嘅主要原因。我地亦知道送餐專員想了解戶戶送如何協助餐廳改善問題。因此,我地一直收集唔同數據,同餐廳合作夥伴討論優化營運同合作方式嘅辦法。同時,你可以透過訂單支援頁面上按「等待時間太長」匯報餐廳嘅情況,或填寫戶戶社區嘅「匯報後餐時間」表格,幫我地收集更多嘅數據以改善現況。

 

 

送餐旅程

 

現時以距離計算服務費嘅模式,係希望可以更準確地反映每位送餐專員所需嘅努力同時間。不過我地亦明白送餐專員對於送去山上或跨區訂單嘅疑慮。所以我地嘅團隊正積極地改善你嘅送餐體驗,如讓你送餐至鄰近區域時可以取得該地區嘅餐廳訂單。咁你就可以專注於送多啲單而唔係要點接單。

 

 

疫情送餐安排

 

戶戶送由第一波疫情爆發時開始運送更多嘅訂單,我地都非常感謝一眾送餐專員係哩段時間嘅努力。而現時第三波疫情影響期間,我地嘅營運團隊都會一直盡力為你地安排好應對方法,務求將疫情對你嘅影響減至最低。

我地希望可以繼續同你合作,為所有送餐員、餐廳伙伴及顧客創造更美好嘅送餐體驗。如果你係想參加嚟緊嘅「送餐專員座談會」,記著關注我地每兩星期嘅戶戶週記喇!